Kawe ni jenis oghe hok saing blako nge manusio. Tok kiro budok-budok, sebayo, oghe tuo ko, kawe laye blako. Kade-kade tu oghe gilo pun kawe laye. Mugo dio oghe kew bukenyo putung kayu. Ni sorang, bekas bos jahat & bekas lanun, saing baik kawe jugok. Walaupun jare jupe, tapi duk balas mesej sokmo.
Hujung bule lepas.. Buleh jugok kawe bual nge dio di kedai pelaye di kg Nako. Dio ajok jupo tu gak, kawe ho slaluh, tok kiro banyok tamboh lagi mugo ohge nok blanjo.
Banyok sungguh kawe dengar crito dio.. Kawe tok suruh crito pun, tapi dio nok crito.. Mako kawe dengar lah.
“Mat (namo glamor kawe ni), aku ni jenis ohge jahat.. Tok tahu tuh bilo nok bruboh. Umor pun koho tuo.” Kato saing kawe.
“Pulok doh.” Ayat ni jah hok keluar mulut kawe.
“Mu tau dok.. Male baru lepas aku ropok kedai di kg sbeloh.. Buleh la seribu lebih..” Rilex jah dio oyak ko kawe.
“Parok mu..!! Bakpo mu duk wat kijo gini eh? Mu bayar make & air pah nih jange guno duit tuh, gelap perut aku. Aku duk ngaji agi loni.. Biar kabar etek gak." Murihhh kawe.
“Bereh Mat.. Aku bayar nge duit halal nanti. Aku tahu mu juruh. Mu sore jah saing aku hok baik. Hok lain tu gak prangai supo bewok blako. Lebih kure aku.” Lanjut saing kawe lagi.
"Ni so karo aku nok crito.. 'Oghe tino'.. Aku ado la brapo ohge tino hok nok ko aku. Aku mugo puah duk sajo gak, ohge ajok gewe aku pun gewe." Tamboh saing kawe.
“Ni la hok aku duk mikir sapa loni nih.. Tigo-tigo ohge budok tino tu ajok aku nikoh. Parok molek. Sumat lemok sungguh.”
“Mu kato gapo dio.” Tanyo kawe.
“Aku duk dien lagi. Dok tahu nok oyak gapo dio.”
Tapi, aku tok sir ko tino tigo ohge tuh.. Punoh-punoh blako doh puok dio. Bekas-bekas oghe blako. Takdop nilai agamo lasung. Tok leh wat calon ohge lagu tuh. Wat punoh keturunan aku jah. Lain lah kalu puok-puok dio tobat dulu.
“Aku ajak nok cari oghe tino hok baik. Oghe tino solehah ko. Oghe gini baru buleh buat bini. Buleh didik anok-anok aku nanti. Ko guano Mat?”
Jolo doh tu Li (namo saing kawe ni).. Tapi mu keno tobat dulu. Mu tobat, pah tuh kito try cari anok tuk ime ko. Kapong aku pun ramai anok tuk ime hok baik-baik. Ado hok dok tubik rumoh. Ohge ginih baru buleh wat calon bini.
“Mat.. Nok tobat niat lagu mano doh?”
“Aloh.. Mu niat la.. Tok sir doh buat benda-benda jahat.. Gapo hok mu ambik hok ohge tuh, mu gi atar smula dok pun mu gi mitok halal dan maaf.”
"Den.. Bo la mu duk saing rapat-rapat nge saing-saing hok so palo nge mu. Punoh pulok mu nanti."
“Bereh Mat.. Aku tobat sini jugok.. Mu jadi saksi.”
Tobat sungguh Li selepas kejadian tuh..
“Ado sokmo duk mari sejid kg kawe maye jemaah, lebih-lebih lagi maye ngorib & iso. Suboh? Dok mari lasung.. Hehe. Takpo la berubah sikit sikit.”
Dio pun kijo molek doh.. Jual aye di kg dio… Kijo nge ohge. Tok supo mulo.. Duk kebah aye oghe jah kijonyo. Molek ar gini gak. Ado nilai jugok kalu duk jual aye. Banyok bui pedoh kore ramai.
“Ohge kg aku & saing aku sdiri jeling main ko aku meta-meta la aku duk jual aye loni. Nyo sinis main ko aku.”
“Takpo la Li..Oghe nok kato biar la.. Nok wat guano doh. Mu sabar jah. Tuhan kito ado kew. Nok pelik apo.”
Jolo Mat. Betul gapo hok mu kato tuh. Aku setuju 100 pratus. Duli apo kore dek neh. Kito wat sarok kito, demo wat sarok demo.
Aku kato nok tobat.. Aku tobat ngoti.. Oghe nok kato aku bos jahat lagi pun katolah, asal jange duk mari timbuk aku sudoh.
p/s:
1. Allah Maha Penerima Taubat
2. Baiki diri kita dahulu 'jadi baik' sekiranya menghendaki calon isteri yang baik.
3. Jangan sesekali kita memperlekeh seseorang yang bertaubat. Barangkali mereka lebih baik daripada kita.
4. Boleh kita (sekiranya iman kuat) berkawan dengan seseorang yang rosak akhlak demi membawanya ke jalan yang lurus.
Oleh: Darul Fiqh
